Паважаныя ўдзельнікі і госці Міжнароднага каталіцкага фестывалю хрысціянскіх фільмаў і тэлепраграм Magnificat' 2008!
    Я шчыра вітаю вас на гасціннай Глыбоцкай зямлі!
 Глыбачанам вельмі пашанцавала. Дзякуючы фестывалю, пра наш правінцыяльны гарадок і яго працавітых,  добразычлівых людзей даведаліся ў Італіі, Францыі,Канадзе, Мексіцы, Швейцарыі, Польшчы, Літве, Латвіі, Украіне, Расіі, якія прадстаўлялі на конкурс свае творчыя работы ў гэты і папярэднія гады. Самых розных кінафестываляў у свеце мноства. Такіх,як наш, глыбоцкі, няшмат. Magnificat - гэта месца сустрэчы людзей, аб'яднаных адной справай,адной ідэяй, гэта фестываль дабрыні, справядлівасці,аптымізму, мудрасці і надзеі.
 Я выказваю глыбокую ўдзячнасць арганізатарам фестывалю за тое, што мы ў чарговы раз маем магчымасць дакрануцца да высокага мастацтва, духоўна ўзбагаціцца.
    Жадаю ўдзельнікам і гасцям фестывалю плённай творчай працы, новых адкрыццяў, прыемных сустрэч і знаёмства з незалежнай прыгожай еўрапейскай краінай - Рэспублікай Беларусь - праз нашу гасцінную, непаўторную Глыбоччыну.

Старшыня Глыбоцкага райвыканкама М.М.Кандзерскі