Куды вядзеш Ты нас, Анёл Божы? Часам яму не патрэбна шмат святла, часам дастаткова маленечкага агеньчыка, каб паказаць нам накірунак. У жыцці ўсё не выпадкова. Калі на Вялікдзень Анжаліка Раманава адкрыла сваю выставу ў сценах Мікола-Сольбінскага манастыра, многія з яго насельніц пазнавалі сябе на яе палотнах. Галоўная тэма карцін Анжалікі – імкненне да пакаяння, пошук ісціны, пошук Бога. Можа быць, невыпадкова і такое супадзенне: імя мастачкі ў перакладзе з грэцкай мовы азначае “тая, што абвяшчае, звястун, анёл”.