Калі мы прылятаем ў Папуа-Новую Гвінею, то нам даводзіцца прыстасоўвацца да часавай розніцы ў дзевяць гадзін. Тэрыторыя гэтай краіны прыкладна роўна тэрыторыі Германіі, Аўстрыі і Бельгіі, узятых разам. Большая частка тэрыторыі пакрыта трапічнымі лясамі, таксама тут нямала і азёраў, многа вулканаў і высокіх гор, з якіх самая высокая – гэта пік Вільгельм (4509 м над узроўнем мора). Насельніцтва складае каля 6 млн чалавек, і тут вы можаце пачуць больш за 850 мясцовых моваў, многія з якіх не маюць пісьменнасці. Непрыглядны бок Папуа – гэта беднасць і імклівае распаўсюджванне смяротных захворванняў. У змаганні з гэтымі бясконцымі наваламі ўдзельнічае, ахвяруючы свае сілы, больш за 80 цэркваў, мясцовых святароў і місіянераў у мясцовых царкоўных акругах.